करमाळा, प्रतिनिधी – करमाळा कृषी उत्पन्न बाजार समितीच्या कार्यालयामध्ये सोलापूर जिल्ह्याचे भाग्यविधाते स्वातंत्र्य सैनिक देशभक्त माजी आमदार तथा करमाळा कृषी उत्पन्न बाजार समितीचे संस्थापक सभापती कै. नामदेवराव जगताप यांची जयंती उत्साहात साजरी करण्यात आली.
यावेळी बाजार समितीचे मुख्य कार्यालयीन इमारतीच्या समोरील पूर्णाकृती पुतळ्यास करमाळा नगर परिषदेचे माजी उपनगराध्यक्ष नारायण (बापू ) जगताप व बाजार समितीचे विद्यमान उपसभापती बबनराव मेहर यांच्या शुभहस्ते पुष्पहार अर्पण करण्यात आला. तसेच बाजार समितीच्या कार्यालयात बाजार समितीचे संचालक मनोज पितळे, माजी संचालक मयूर जोशी यांच्या शुभहस्ते प्रतिमा पूजन करण्यात आले.
यावेळी बाजार समितीचे सचिव विठ्ठल क्षिरसागर यांचे सह सर्व कर्मचारी उपस्थित होते.
.
.
.
